Belə maşın olmamışdı - VİDEO

İtaliyanın Bugatti avtomobil konserni hazırda istehsal edilən və satışda olan Bugatti Veyron modelini əvəzləyəcək Bugatti Chironu sınamağa başlayıb.

Avtosfer.az autobild-ə istinadən bildirir ki, Chiron payızda Almaniyanın Frankfurt şəhərində keçiriləcək beynəlxalq avtoşuda nümayiş olunacaq.

Bugatti Chiron modeli Almaniyadakı avtobanlardan birində sınaqda olarkən paparassilərin kameralarına "hədəf" olub.

Avtomobili Bugatti Veyron, BMW i8 və Lamborghini Huracan müşayiət edirdi.

İlkin informasiyalara görə, Bugatti Chiron 8 litrlik 16 silindrli, 1500 at gücünə malik mühərriklə təchiz ediləcək. Bunun sayəsində avtomobilin maksimal sürəti 463 km/saat, 100 km/saat sürəti əldə etmək vaxtı isə cəmi 2 saniyə olacaq.

Bugatti Chiron-un ən azı 2 milyon avroya satılacağı gözlənilir.