“Bentley” 12 silindrli mühərriklə vidalaşır - FOTO

“Bentley” şirkəti 6 litrlik W12 mühərrikdən istifadəni dayandırır.
Avtosfer.az-ın xəbərinə görə, əsrin əvvəllərində “Volkswagen” konserni tərəfindən hazırlanmış mühərrik hazırda yalnız “Batur” modelinə quraşdırılır. Əvvəlki illərdə bu mühərrikdən başqa firmalar istifadə etsə də, indi yeganə istehlakçı “Berntley”dir. 
20 il ərzində 100 mindən çox belə mühərrik hazırlanıb, 3 dəfə təkmilləşmə aparılıb. Hər bir mühərrik avtomobilə qoyulmazdan əvvəl xüsusi sınaqdan keçirilir. 
Müştərilər 12 silindrli mühərriki ilin sonunadək sifariş edə biləcəklər. İstehsal isə 2024-cü ilin avqustunadək davam edəcək. Bunun ardınca sexin 30 işçisi yeni  V6 mühərrikləri öyrənmək üçün təlimə gedəcək. 
2026-cı  ildən “Bentley” yalnız hibrid modellər istehsal edəcək, 2030-cu ildə isə daxili yanma mühərrikləri dövrü başa çatacaq.

Vüqar