Bəzi hallarda avtomobillərdə projektordan istifadə edilməsinə icazə verilir - VİDEO

Avtomobil işıqlarından düzgün istifadə qəzaların qarşısını almaq və yol hərəkəti qaydalarına əməl etmək üçün vacibdir. Avtosfer.az xəbər verir ki, Oxu.az-ın "Qanun nə deyir?" rubrikasının bugünkü buraxılışı projektor-faradan istifadə ilə bağlıdır. Bəzi hallarda yolsuzluq avtomobillərinə və başqa nəqliyyat vasitələrinə sözügedən işıqları quraşdırmaq mübahisə yaradır. "Yol hərəkəti haqqında" Qanunun 73-cü maddəsinin müvafiq hissəsində qeyd olunur ki, projektor-axtarıcıdan yalnız yaşayış məntəqələrindən kənarda, qarşıdan nəqliyyat vasitələri gəlmədikdə istifadə etməyə icazə verilir. Yaşayış məntəqələrində belə faralardan yalnız operativ və xüsusi xidmət nəqliyyat vasitələrinin sürücüləri xidməti tapşırığı yerinə yetirərkən istifadə edə bilərlər.