“BMW” ən yaxşı avtomobil istehsalçısı oldu - FOTO

Alman avtomobil istehsalçısı olan “BMW”, uzun illərdir müştəriləri tərəfindən sevilən firmalar arasında yer alır. Xüsusilə hər il bazara çıxardığı yeni modellər və dizayn əməliyyatları ilə birlikdə markanın məhsul çeşidi sürətlə yenilənir. Avtosfer.az xəbər verir ki, “Consumer Reports” tərəfindən hazırlanan ən yaxşı markalar sıralamasına görə şirkət, 2022-ci ilin birincisi seçilən “Subaru”nu keçərək liderliyə yüksəlməyi bacarıb. Belə ki, siyahı  müxtəlif münsif və anketlərin səs vermələri nəticəsində ərsəyə gəlib. “Reports”un direktoru birinciliyə yüksələn “BMW” markasıyla bağlı çıxış edərək onun xüsusi özəllikləriylə seçilən, güvən verən modellər istehsal etdiyini və məhz bu səbəbdən ilk pillədə olmasına təəccüblənmədiyini vurğulayıb. Aşağıda qeyd etdiyimiz siyahıda “BMW”dən sonra 79 hesabla “Subaru”nun gəldiyini görürük. Həmçinin alman istehsal markalarından olan “Mini” də 79 xalla 3cü sırada yer alıb. Ardıyca 77 balla “Lexus” və “Honda” markaları gəlir. Qeyd edək ki, “Jaguar”, “Jeep” və “Land Rover” siyahının ən son sıralarında -  30, 31 və 32 ci pillələrdə yerləşib. 

1. BMW - 81
2. Subaru - 79
3. Mini - 79
4. Lexus - 77
5. Honda - 77
6. Toyota - 76
7. Genesis - 76
8. Mazda - 75
9. Audi - 74
10. Kia - 73

Nərmin Əkbər