Bu il almaq üçüb ən yaxşı krossover açıqlandı - SİYAHI

Krossoverlər artıq uzun müddətdir dünyanın ən populyar avtomobilləri sırasındadır, çünki onlar həm komfort, həm də asfalt olmayan yollarda etibarlı hərəkət qabiliyyətini birləşdirir. Lakin modellərin çoxluğu səbəbindən “ideal” variantı tapmaq o qədər də asan deyil.

Avtosfer.az xəbər verir ki, gələcək sahiblər üçün işləri asanlaşdırmaq məqsədilə Böyük Britaniyanın "RAC Limited" şirkətinin ekspertləri bu il alınacaq ən yaxşı krossoverlərin siyahısını hazırlayıb. Nəticələr "Daily Express" nəşrində dərc olunub.

Ekspertlər vurğulayıblar ki, "Dacia Duster" ən yaxşı kompakt SUV-dur. Mütəxəssislər ənənəvi olaraq avtomobilin geniş və praktik salonunu, “brutal” dizaynını, həmçinin əsl off-road avtomobilinə xas imkanlarını qeyd edirlər.

Əlavə üstünlük kimi "Duster"in əlverişli qiyməti göstərilir, bu qiymət rəqiblərindən daha aşağıdır.

Britaniyalılar diqqət yetirməyə dəyər digər krossover modellərini də açıqlayıblar. Ümumilikdə yeddi avtomobil seçilib. Bunlar arasında həm büdcəyə uyğun, həm də premium sinifdən "Lexus" var.

2026-cı ildə alınacaq ən yaxşı krossoverlər:

*Dacia Duster
*Lexus LBX
*Renault Captur
*Vauxhall Mokka
*Nissan Juke
*Jeep Avenger
*Peugeot 2008/Hit.az