Buna görə cəzalana bilərsiz – QANUNSUZ ŞLAQBAUM – VİDEO

Paytaxtın bəzi yaşayış binalarının həyətlərinə girmək üçün gərək hər bir sürücünün əlində pult olsun. Çünki həmin binaların həyətinə başqa sürücülərin daxil olmaması üçün şlaqbaumlar qoyulub. Ancaq bilmək lazımdır ki, icazəsiz şəkildə şlaqbaum quraşdıran sakinləri cəza gözləyir.

Yaşayış binasının həyətinin girişinə şlaqbaum qoyulmasında məqsəd başqalarının binanın həyətindən istifadə etməsinin qarşısını almaqdır. Bu hal Bakıda bir çox bina və şəhərciklərdə müşahidə olunur.

Şlaqbaumlar sadəcə bina sakinlərinə verilmiş pultlarla idarə olunduğundan həm yanğınsöndürənlərin, həm də əraziyə gələn təcili-tibbi yardım maşınlarının həyətlərə daxil olmasına mane olur. Habelə əgər qonşu binalara gedən yol da bağlanır.

Yaşayış binalarının girişinə şlaqbaumlar  «Azəryorsevis» ASC, Bakı şəhər İcra Hakimiyyəti və Baş Dövlət Yol Polisi İdarəsinin icazəsi əsasında qoyulmalıdır.

Şlaqbaumların özbaşına qoyulmasına görə sakinlər İnzibati Xətalar Məcəlləsinə görə cərimələnə bilərlər.