Cəriməni ödəməyən "Maserati"lər cərimə meydançasında – Bakıda - FOTO

Daxili işlər naziri Ramil Usubovun ödənilməyən radar borcları ilə bağlı xüsusi göstərişindən sonra məmur və məmur yaxınlarının avtomobillərinin "ovu" davam edir. Məlum olduğu kimi, bu göstərişdən sonra cərimə dayanacaqları qiyməti yüz minlərlə ölçülən avtomobillərlə dolmağa başlayıb. Bu günlərdə aznews.az-ın əməkdaşı paytaxtdakı cərimə meydançalarının birinə eyni vaxtda iki "Maserati"nin gətirildiyinin şahidi olub.

Qeyd edək ki, Ramil Usubov cəriməsi ödənilməyən radarlara görə bəzi nazirlərə müraciət edib. Buna səbəb kimi radar cərimələrinin 11 milyon civarına çatması olub. Nazirə xəbər verilib ki, radar cərimələrinin çoxu məmurlara, deputat və nazirlik işçilərinin adına olan avtomobillərə məxsusdur və bəzi avtomobillərin 50 min manata yaxın ödənilməyən cəriməsi var. Bunların arasında nazirlik və dövlət qurumlarına məxsus xidməti maşınların da olduğu bildirilir.