“Chevrolet Corvette”nin istehsalı dayanmasına səbəb nədir? - FOTO

Bowling Green istehsal müəsisəsi bir həftə ərzində “Corvette” istehsalını dayandıracaq. Avtosfer.az xəbər verir ki,  “General Motors”un rəsmi nümayəndəsi Dan Flores, qurumun keçici olaraq istehsalını dayandırdığını açıqladı. Modelin istehsalını dayandırmasına səbəb kimi isə o, yarımkeçiricilərin tədarükü ilə bağlı olduğunu qeyd edib.

Başqa bir “General Motors” nümayəndəsi olan Rachel Bangshaw isə, “Təchizat zəncirimiz, istehsal və mühəndislik qruplarımız məhsullarımıza olan güclü tələbatı ödəmək üçün istehsal zamanı hər hansı mənfi təsirləri azaltmaq məqsədilə təchizat departamentimizlə sıx əməkdaşlıq edir” ifadəsini söyləyib. Xatırladaq ki, simvolik modelin istehsalı bu həftə dayandırıldı və təxminən 27 fevralda başlaması gözlənilir. “Corvette”nin istehsal olunduğu müəsisədə 1300-dən çox insan çalışır və “Corvette Stingray”, “Corvette Z06” kimi modellər istehsal olunur.

Nərmin Əkbər