Dəmir qəfəsin içində dəhşətli yarış - VİDEO

Dəmir qəfəsin içində avtomobillə 12 tam dövrə vurdu. Avtosfer.az atv.az-a istinadən xəbər verir ki, Litvada bir avtomobil sürücüsü öz  təhlükəli hərəkəti ilə izləyənləri dəhşətə gətirib. Vilnüsdə ölüm  kürəsi adlandırılan  və hündürlüyü dörd mərtəbəli binaya çatan dəmir qəfəsə maşınla daxil olan sürücü , avtomobili bu qəfəsin divarları ilə hərəkət etdirib.

Gah sağdan sola  divarlarla, gah da aşağıdan yuxarı hərəkət etməklə fizika qanunlarını alt-üst edən sürücü sözün əsl mənasında öz əcəli ilə oynayıb. Qəfəsin   ən yüksək nöqtəsində maşını başıaşağı idarə edən sürücü istənlən halda heç bir qəzaya yol verməyib.

Qlobusun içində 12 tam dövrə vuran sürücü ətrafdakıların alqışını qazanıb. Həvəskar kameradan lentə alınan görüntülər sosial mediyaya düşər-düşməz qısa zamanda dünyanın dörd bir yanında geniş auditoriya kütləsi toplayıb.