Dindan-imandan danışan sürücü qanunları saymır - FOTO

İki uşaq atası olan 35 yaşlı Müzəffərli İskəndər Sədaqət oğlu Lənkərandandır. Dediyinə görə, işləmir. Mayın 13-də Səbail rayonunda yol polisləri tərəfindən saxlanılan İskəndərin avtomobili sənədsiz idarə etdiyi məlum olub: «Məndən sənəd istədilər, vermədim. Ona görə də bura düşmüşəm. Maşının sənədləri yox idi. Allahın aşiqi olan insanlardan zərər gəlməz».

Avtosfer.az-ın məlumatına görə, dindən-imandan danışan bu şəxs qanunu pozmağı adi hal sayır. Tez-tez dindən sitat gətirir. Amma dediyindən belə məlum oldu ki, törətdiyi əməldən yox, həbs olunmağından peşmandır. Məhkəmə onun 15 gün inzibati həbslə cəzalandırılması barədə qərar çıxarıb. Hazırda Daxili İşlər Nazirliyinin İnzibati Həbs Olunanların Saxlanılma Məntəqəsində saxlanılır.

Elmin