Elektrikli və hibrid avtomobillərin idxalı üzrə göstəricilər açıqlandı

Ötən ay Azərbaycana ümumilikdə 176 milyon 541 min ABŞ dolları dəyərində 7 591 ədəd avtomobil idxal olunub. Bu barədə Avtosfer.az-a Dövlət Gömrük Komitəsindən bildirilib.
Məlumata görə, bu, 2024-cü ilin eyni dövrü ilə müqayisədə müvafiq olaraq 27% çox və 0,94% azdır. Ay ərzində Azərbaycana 15 milyon 611 min ABŞ dolları dəyərində 712 hibrid avtomobil idxal edilib. Bu isə illik müvafiq olaraq 45,3% azalma və 52,4% artım deməkdir. Yanvarda ölkəyə gətirilən plug-in hibrid avtomobillərinin dəyəri 73,7% artaraq 76 milyon 113 min ABŞ dolları, sayı isə 79% artaraq 3 872 ədəd təşkil edib. Hesabat dövründə, Azərbaycana 3 milyon 268 min ABŞ dolları dəyərində 108 tam elektrikli avtomobil idxal edilib. Bu da illik müvafiq olaraq 2 dəfə və 22,3% azdır.