Ən çox hansı avtomobillər "öldürür"?

“Yol nəqliyyat hadisələrini avtomobil yox, insan törədir”. Avtosfer.az xəbər verir ki, bu barədə atv.az-a açıqlamasında  yol hüquqşunası Ərşad Hüseynov bildirib. Hüquqşunasın sözlərinə görə, məsuliyyətsiz, yol hərəkəti təhlükəsizliyindən anlayışı olmayan, ümumiyyətlə, ictimai məsuliyyəti çox zəif olan adam özü təhlükə mənbəyidir. “Onun hər bir avtomobildə qəza törətmək potensialı var. Yollarda qəzaların yaranmasında 3 insan amili iştirak edir. Bura aiddir sürücü, piyada və yolları yanlış dizayn edən qurumlar”.

Bəs daha çox qəzaları hansı avtomobillər törədir?

Ərşad Hüseynov bildirdi ki,  insan təlafatına gətirib çıxaran qəzalar, daha çox Rus  istehsalı olan “Vaz” avtomobilləridir: “Bu qəzalarda daha çox zərər çəkən də, bu avtomobillərin sahibləridir. Sürücülər qəzadan qaçmaq istəyirsə,  idarə etdiyi maşına uyğun hərəkət etməlidir”.