Ən çox və ən az qəza törədən sürücülərin STATİSTİKASI

2024-cü ildə yol qəzalarına ən çox təcrübəli sürücülər düşüb. Avtosfer.az xəbər verir ki, bu barədə Rusiya Daxili İşlər Nazirliyinin Dövlət Yol Hərəkəti Təhlükəsizliyi Müfəttişliyinin ötən ilə dair hesabatında məlumat yer alıb.

Bildirilir ki, 2024-cü ildə Rusiyada ən çox yol-nəqliyyat hadisəsi 30 ildən artıq təcrübəsi olan sürücülərin iştirakı ilə baş verib. Təcrübəli sürücülərin iştirakı ilə ümumilikdə 16,7 min qəza qeydə alınıb.

Bundan əlavə, ən az qəzaya təcrübəsiz sürücülər düşüb. Keçən il yollarda ən diqqətli sürücülər yenə onlar olub.

Belə ki, 2024-cü ildə iki ilə qədər stajı olan sürücülərin iştirakı ilə 8 min yol qəzası baş verib.

Namiq Musayev