Ən təhlükəli avtomobillərin adları AÇIQLANDI

Rusiyada yol təhlükəsizliyi baxımından ən etibarsız yerli Lada Granta və köhnə Çin avtomobilləridir. 

Bunu "Gazeta.Ru"ya açıqlamasında Milli Avtomobil İttifaqının (NAS) vitse-prezidenti Anton Şaparin bildirib .

O, izah edib ki, ən təhlükəli avtomobillər müasir aktiv və passiv təhlükəsizlik avadanlığı ilə təchiz olunmayan avtomobillərdir:

"Lada Granta, bloklanma əleyhinə əyləc sistemi (ABS) və hava yastığı olan bir avtomobil olaraq yaradıldı, lakin sonra bu seçimlərdən məhrum edildi. Belə bir avtomobil yolda özünü qeyri-münasib apara bilər və qəza baş verərsə, sürücü ciddi xəsarət alma riski daşıyır".

O, həmçinin sürücülərə xəbərdarlıq edib ki, paslanmış və ya qəzaya uğramış avtomobilləri idarə etməsinlər. (news24.az)