“Hyundai” 425 min avtomobili geri çağırır

Cənubi Koreyanın avtomobil istehsalçısı “Hyundai” Çindəki zavodunda istehsal olunan 425 min "Tucson” modelini elektrik sistemindəki qüsurlara görə geri çağırır.

AzərTAC Çinin Dövlət Bazar Tənzimlənməsi Administrasiyasının məlumatına istinadla xəbər verir ki, geri çağırılan avtombillər 2015-ci ilin may ayından 2018-ci ilin dekabrınadək olan müddətdə “Hyundai”ın Pekindəki yığım zavodunda buraxılan nəqliyyat vasitələridir.

Avtomobillərin geri çağırılmasına martın 16-dan başlanılacaq və bütün qüsurlar istehsalçı şirkətin hesabına aradan qaldırılacaq.