İkisi bir yolda gəzən «avtoş»lar; sürdülər və həbsə düşdülər - FOTO

Xəzər rayonu ərazisində avtoxuliqanlıq edən iki nəfər həbs olunub. Avtosfer.az-ın məlumatına görə, hər iki sürücü hazırda DİN-in İnzibati həbs olunanların saxlanma məntəqəsində cəza çəkir. Martın 31-də Bakı şəhər DYPİ-nin təşkilatçılığı ilə həmin şəxslərlə görüş keçirilib. Məlum olub ki, 29 yaşlı Araz Vəli oğlu Rəhimov və 22 yaşlı Nicat Əkrəm oğlu Qələndərov bir-birlərini tanımırlar. Yolda rastlaşan bu gənclər avtoxuliqanlıq etmək qərarına gəliblər. İdarə etdikləri maşınla yaşayış məskənlərində təhlükəli manevrlər etməklə yarışa çıxan gəncləri Xəzər rayon Dövlət Yol Polisi Şöbəsinin əməkdaşları saxlayıb. Onların hər ikisi işsizdir.

Araz Rəhimov Avtosfer.az-ın əməkdaşı ilə söhbətində bildirib ki, iki uşaq atasıdır. Uşaqlardan birinin 5, digərinin 3 yaşı var: «Bayram günü idi. Sürdüm. Tutub məhkəməyə apardılar. Əməlimdən peşmanam. Uşaqlarımı neçə gündür görə bilmirəm. Çox darıxıram. Bir daha belə etməyəcəm».

Elməddin