İnək yola çıxdı, bir ailənin 5 üzvü qəzaya düşdü

«VAZ» markalı avtomobilin qəzaya uğraması nəticəsində ailənin 5 üzvü xəsarət alıb. Hadisə Bakı-Quba -Rusiya sərhədi yolunun 126-cı km- də Şabran ərazisində qeydə alınıb. Rayon sakini, 62 yaşlı Zakir Hüseynov idarə etdiyi «VAZ 2106» markalı avtomobillə Şabrandan Quba istiqamətinə hərəkətdə olarkən qəfildən avtomaşın yoldan çıxaraq aşıb. Naticədə sürücü və onun övladları- 23 yaşlı İradə, 21 yaşlı Sahilə, 25 yaşlı Yusif və 14 yaşlı Emil Hüseynovlar müxtəlif xəsarətlərlə Şabran xəstəxanasına çatdırılıblar. 

Faktı araşdıran BDYPİ-nin istintaq və təhqiqat şöbəsinin müstəntiqi Elşən Mürsəliyev qəzaya ilkin səbəb kimi nəqliyyat vasitəsinin yoluna inək çıxmasını göstərib. Fakt araşdırılır. 

Şabran, Quba və Xaçmaz rayonlarında magistral yollara ev heyvanlarının çıxması nəticəsində belə qəzalar tez-tez baş verir.