İkinci əl ehtiyat hissələrinin qiyməti dəyişməyəcək - VİDEO

Xəbər verdiyimiz kimi, yaşı 10 ildən az olan avtomobillərin idxalı qadağan edilib. Bununla bərabər xaricdən avtomobil ehtiyat hissələrinin gəlişi isə artmaqdadır.

Ekspertlər hesab edir ki, buna əsas səbəb nəqliyyat vasitələrinin sayının kəskin çoxalmasıdır. Yəni istismar olunan avtomobil nə qədər çoxdursa, tələb olunan detallar da bir o qədər çoxluq təşkil edəcək. Ancaq bir sıra Avropa ölkələrindən fərqli olaraq Azərbaycanın daxili bazarında daha çox 2-ci əl ehtiyat hissələrinə üstünlük verilir. Onlar da əsasən Almaniyadan gətirilir.

“Xəbər Ertəsi”nin apardığı sorğu zamanı sürücülərin məsələyə münasibəti birmənalı olmayıb”

Orijinal olan işlənmiş detala üstünlük verənlərlə yanaşı, əksinə, keyfiyyətindən asılı olmayaraq yenisini alanlara da rast gəlinib.

Nəqliyyat məsələləri üzrə ekspert Eldəniz Cəfərov deyir ki, ehtiyat hissələrinin idxalı birbaşa avtomobil parkının vəziyyətindən asılıdır.

2-ci əl avtomobil detallarının gəlişinin azalması üçün öncə ili köhnə olan nəqliyyat vasitələri dövriyyədən çıxmalıdır.