İran şirkəti Azərbaycana 3 500 avtomobil ixrac etməyi planlaşdırır

İranın avtomobil istehsalçısı - "İran Khodro Company" (IKCO) Azərbaycana 3 500 avtomobil ixrac etməyi planlaşdırır.

Avtosfer.az xəbər verir ki, bunu şirkətin icraçı direktoru Mehdi Xətibi bildirib.

Bundan başqa, o, deyir ki, rəhbərlik etdiyi şirkət təqvim ilinin sonuna (martın 21-nə) qədər Rusiyaya 2 000 avtomobil ixrac edəcək.

“IKCO xüsusilə Rusiya bazarına ağırtonnajlı avtomobillərin və onların mühərrikləri üçün ehtiyat hissələrinin ixracı sahəsində effektiv işləyə bilər”, - deyə icraçı direktor qeyd edib.

Xatırladaq ki, "İran Khodro Company" həm də Neftçala Sənaye Məhəlləsində fəaliyyət göstərib. İran şirkəti burada bir müddət "Azərmaş" ASC ilə birlikdə "Xəzər" markalı minik avtomobilləri istehsal edib.

Report