İtirilmiş və ya oğurlanmış nömrələrin dublikatı verilməlidir – Çingiz Qənizadə qanunda boşluq olduğunu deyir

Avtoxəbər 17 Yanvar 2023 13:21 Oxunub 3356
İtirilmiş və ya oğurlanmış nömrələrin dublikatı verilməlidir – Çingiz Qənizadə qanunda boşluq olduğunu deyir
WhatsApp kanalımıza abunə ola bilərsiniz

Zaman-zaman avtonəqliyyat vasitələrinin dövlət qeydiyyat nişanının itirilməsi və oğurlanması ilə bağlı məlumatlarla rastlaşırıq. Bəs görəsən nömrəsi itirilmiş və ya oğurlanmış nəqliyyat vasitəsinin sahibi nə etməlidir? Müəyyən məbləğdə rüsum ödəyib alınan dövlət qeydiyyat nişanı itirildikdə və ya oğurlandıqda həmin nömrənin bərpası mümkündürmü?
Mövzu ilə bağlı sabiq deputat Çingiz Qənizadə Avtosfer.az-a açıqlamasında müəyyən müddət tətbiq edildikdən sonra itmiş nömrə nişanlarının yerinə yenisinin verilməsinin düzgün olacağını qeyd edib: “Çünki qeydiyyatdan keçmiş yüz minlərlərlə avtomobil varsa, bu baxımdan onların arasında bir neçə faizinin qeydiyyat nişanlarının itməsi ilə bağlı problem yaratmaq düzgün deyil. Əgər qanunvericilikdə itmiş qeydiyyat nişanlarının bərpası nəzərdə tutulmursa, onda qanunvericilik təkmilləşdirilməlidir. Bu baxımdan da qanunvericiliyə baxmaq lazımdır ki, belə qeydiyyat nişanları itdikdə həmin nişanların yenidən vətəndaşa verilməsi mümkün həllini tapsın. 
Çingiz Qənizadə qanunlarda boşluq olduğunu, anlaşılmazlıqların da məhz bu səbəbdən yarandığını qeyd edib: “Əgər qanunlarda belə birboşluq varsa, mütləq qanunvericiliyin təkmilləşdirilməsi və itmiş qeydiyyat nişanlarının yerinə yenisi yox, məhz özü bərpa olunaraq verilməlidir. Çünki yeni qeydiyyat nişanı verildikdə, nömrələr artıq fərqli olur və ondan ötrü yeni rüsumlar verilir. Əgər itmiş nömrənin bərpası ilə bağlı həmin nömrənin təkrar verilməsinə görə çox az miqdarda rüsum alınırdısa, yeni nömrənin verilməsinə görə isə rüsum fərqi yəqin ki, daha çox olacaq. Bu baxımdan belə hesab edirəm ki, vətəndaş bir dəfə rüsum ödəyərək hansısa qeydiyyat nişanı alıb və sonradan itiribsə, bunu çox cüzi, yəni təkrar verilmənin xərci qədər ödəniş etməklə təkrar almalıdır”.

Nəzrin Sailqızı

ŞƏRH YAZ
Ad

E-mail

Şərh