Kişilər qadınlardan daha yaxşı avtomobil idarə edir - SORĞU

Rusiyada VİTSOM-un sorğusunda iştirak edənlər bu fikri belə əsaslandırıblar ki, guya kişilər sükan arxasında daha diqqətli, sakit, özünə inamlı və az emosionaldırlar.

Avtosfer.az xəbər verir ki, kişilər arasında bu fikirlə razılaşanların payı 29%, qadınlar arasında isə 20%-dir.

Maraqlıdır ki, cəmi 5% respondent hesab edir ki, qadınlar sükan arxasında kişilərdən daha inamlıdırlar.

Onlar qadınların dəqiqliyini, aqressiyadan və içkili vəziyyətdə avtomobil idarə etməkdən uzaq olmalarını, sakitliklərini və yol hərəkəti qaydalarına riayət etmələrini üstünlük kimi göstəriblər.

Rusiyalıların 51%-nin sürücülük vəsiqəsi var. 1968–1991-ci illərdə doğulanlar arasında hər iki nəfərdən biri sürücülük vəsiqəsinə malikdir. Daha gənc nəsildə bu göstərici xeyli aşağıdır: milleniallarda 38%, zumerlərdə isə 15%.(musavat)