Lada Rusiya bazarındakı Çin avtomobillərindən narahatdır 

Rusiyanın AvtoVAZ şirkəti martın 1-dən etibarən avtomobillərin saytış qiymətini artıracaq. 
Avtosfer.az-ın xəbərinə görə, yeni preyskurantda bahalaşma azı 2% olacaq. 
Rusiyanın əsas avtomobil istehsalçısının vəziyyəti heç də ürəkaçan deyil. Ötən il Federasiyada 174 688 ədəd təzə “Lada” satılıb ki, bu da illik 418% geriləmə deməkdir. AvtoVAZ Rusiya bazarında payını artırsa da, satışlar ümumilikdə azdır. 
Hazırda şirkətin rəhbərliyini 2 məsələ ciddi narahat edir: güzəştli avtomobil almaq üçün dövlət subsidiyasının az olması və Çin modelləri ilə artan rəqabət. Subsidiyanın həcmi dəyişməsə də, inflyasiya öz sözünü deyir. Digər tərəfdən, Çin modellərinin bazar payı 40%-ə yaxınlaşır.  Bu da Ladanın cari ildə bazarın yarısına nəzarət etmək planının   reallaşmayacağını deməyə əsas verir. 
Görünən odur ki, sovet dövründən qalan avtomobil zavodları rəqabət şəraitində fəaliyyət göstərə bilmir.

Vüqar