“Lexus LM” Şanxayda təqdim olundu - FOTO

2023 Şanxay avtomobil sərgisinin diqqət çəkən modellərindən biri də “Lexus LM”dir. Avtosfer.az xəbər verir ki, sərgidə ikinci nəsli ilə nümayiş etdirilən luks modelin artıq dünya çərçivəsində müştərilərə təqdim edilməsi planlaşdırılır. “Toyota”,  premium brendi olan “Lexus LM” modelini 60-dan çox ölkəyə satmaq istəyir.
Modelin kuzov rəngindəki nəhəng qarşı barmaqlığı ilə yanaşı 19 qarışlıq təkər diskləri ilə gözə çarpan “LM”in uzunluğu 5125 mm, eni 1890 mm və hündürlüyü 1955 mm-dir. Sələfindən 40 sm uzun olan ikinci nəsil “Lexus LM” sürüşən qapıları ilə mikroavtobus seqmentinə dəbdəbə gətirir.
Altı və ya yeddi oturacaqlı variantları ilə təklif ediləcək “Lexus LM” nəhəng salona malikdir. Marka, həmçinin xüsusi sürücüsü olan alıcıları da unutmayaraq yalnız dörd oturacaqlı və iki cərgəli oturma seçiminə sahib seçimi də təqdim edir. İki cərgəli oturma seçimi olan variant 48 qarışlıq nəhəng ekrana malikdir. “Lexus” bu ekranın təkcə əyləncə üçün deyil, həm də onlayn görüşlər üçün istifadə edilə biləcəyini vurğulayıb.
Yaşayış yerinə uyğun soyuducu, geniş saxlama yeri, iki mərhələli qaraltma variantına sahib olan arxa tərəfi ilə sürücü bölməsini ayıran rəng tündləşdirən pəncərəsi və 50 müxtəlif rəngli ətraf işıqlandırma sistemi daxildir.
“Lexus LM”nin kapotunun altında nə olduğu barədə hələlik rəsmi məlumat verilməsə də, böyük ehtimal ikinci nəsil “Lexus LM” 2,4 litrlik turbo mühərrikli, yaxud 2,5 litrlik hibrid çeşidləriylə istehlakçılara təqdim olunacaq.

Nərmin Əkbər