Liviyalı diplomat Zəngilanda dağıdılmış məsciddə namaz qıldı

Liviyanın Azərbaycandakı müvəqqəti işlər vəkili Əşrəf Adəm Zəngilanda ermənilər tərəfindən dağıdılmış şəhər məscidində namaz qılıb.

Diplomat erməni vandallığına məruz qalmış məsciddə ibadət edib.

“Həmd olsun ki, biz bura gəldik, məscid öz sahiblərinə qayıtdı və biz burada namaz qıla bildik”, - deyə müvəqqəti işlər vəkili namazdan sonra deyib.

Ermənilər işğal olunmuş bütün ərazilərimizdəki məscidləri dağıdıb, təhqir edib, hətta donuz və mal-qara saxlayıblar.

Qeyd edək ki, Azərbaycandakı xarici diplomatlar Cəbrayıl və Zəngilana gediblər. Prezident İlham Əliyevin təlimatına əsasən, səfirlər, hərbi attaşelər və beynəlxalq təşkilatların Azərbaycandakı nümayəndəliklərinin rəhbərlərinin Ermənistanın işğalından azad olunmuş ərazilərə səfərləri təşkil edilir. Məqsəd həmin ərazilərdə erməni vandallığını xarici diplomatlara əyani şəkildə göstərməkdir.