Maşın ustasına 20 milyon avro cərimə - Dələduzlar onun başına oyun açır

Fransada avtomobil təmiri ilə məşğul olan şəxsin başına qəribə iş gəlib. Avtosfer.az-ın Fransa KİV-ə istinadla xəbərinə görə, dələduzlar onun şəxsi məlumatlarını ələ keçirıərək avtomobilləri onun adına rəsmiləşdirməyə başlaylıblar. Bundan sonra isə onun adına maşın sürmədiyi halda cərimə gəlməyə başlayıb. O, ilk vaxtlar 50 min avro ödəsə də, cərimələrin ardı-arası kəsilmir.
Bu günlərdə TF1 kanalının araşdırması zamanı məlum olub ki, ustanın adına 270 avtomobil var. Ödənməmiş cərimə miqdarı isə 20 milyon avronu keçib və artmağa davam edir.  Həm də, cərimələr təkcə Fransa ilə məhdudlaşmayıb bütün Avropa ölkələrindən gəlir. 
Elə çəkiliş zamanı ustaya 2 cərimə bildirişi gəldi: Almaniyadan 800 avro, İsveçrədən 500 frank.

Vüqar