“Mercedes” uğur əldə etdiyi modellər üzərindən davam edəcək 

“Mercedes-Benz”in baş direktoru Ola Kallenius, bu ilin sonunda brendin MMA dizaynına əsasən yeni yığcam modellər seriyası təqdim edəcəyini bildirib. Avtosfer.az xəbər verir ki, şirkət dəbdəbəli “Maybach”, yüksək performanslı AMG və yolsuzluq “G-Seriyası” daxil ən son modellərinin satışını önə sürsə belə, bu hal kiçik həcmli avtomobil istehsalına mane olmayacaq.

Həmçinin Kalleniusun sözlərinə görə “Mercedes” hal-hazırda Avropada MFA2 platforması üzərindən gələn 7 yığcam modellə - A sinifi, B sinifi, A sinifi Sedan, CLA coupe, CLA Station Wagon, GLA (EQA EV) və GLB (EQB EV) müştərilərə xidmət göstərir. Qeyd edək ki, “Mercedes” gələcək illərdə bu rəqəmi dördə qədər endirməyi planlayır.

Nərmin Əkbər