"Mercedes" və "BMW" Rusiyada zəmanətsiz satılır

Avtoxəbər 22 Mart 2023 09:40 Oxunub 508
"Mercedes" və "BMW"  Rusiyada zəmanətsiz satılır
WhatsApp kanalımıza abunə ola bilərsiniz

Bəlkə də ilk baxışdan kiməsə inandırıcı gəlməyə bilər. Axı hələ “dəmir pərdə” və soyuq müharibə zamanı SSRİ-yə idxal edilən Mercedes, BMW və digər alman texnikası üçün servis vardı, ehtiyat hissə idxal edilirdi. 21-ci əsrdə isə əks proses baş verir. 

Avtosfer.az-ın xəbərinə görə, səbəb sadədir. Ukrayna müharibəsi başlayandan sonra bütün Avropa brendləri kimi alman avtomobil markaları da anbarda qalan texnikanı sataraq Rusiyanı tərk edib. Lakin sanksiya rus alıcının alman maşınına  marağını azaltmayıb. Çıxış yolu isə paralel idxaldır, yəni dost ölkələrdən almaq. 

Lakin bu da problemsiz ötüşmür. Əvvəla, təkrar ixrac edilmiş maşın daha baha başa gəlir. Ən əsası isə, bu zaman bütün riskləri alıcı öz üzərinə götürür. Heç bir avtosalon xaricə satılan avtomobilə zəmanət vermir. Üstəgəl, Rusiyada lüks avtomobillərin ehtiyat hissələri çox baha və defisitdir. ən başlıcası isə son model avtomobillərin proqram təminatını Rusiya ərazisində yeniləmək mümkün deyil.

Vüqar

ŞƏRH YAZ
Ad

E-mail

Şərh