Mister Bin qənaətli maşın aldı - FOTO

Dünyanın ən məşhur aktyorlarından biri, "Mister Bin" kimi tanınan britaniylı komik Rouen Atkinson McLaren F1 markalı superlüks avtomobilini 12 milyon dollara satandan sonra elektromühərriklə təchiz olunmuş BMW i3 alıb.

O, yeni avtomobili üçün 41 min dollar ödəyib.

Avtosfer.az dailymail-ə istinadən bildirir ki, McLaren F1 avtomobilini Rouen Atkinson 1997-ci ildə 830 min dollara almışdı. Həmin maşınla aktyor iki dəfə qəzaya düşmüşdü. İkinci qəza üçün o, sığorta şirkətindən 920 min funt-sterlinq almışdı ki, bu da Britaniya tarixində absolyut rekorddur.

BMW i3 isə akkumulyatorları enerji ilə tam təmin olunandan sonra 160 kilometri qət edir. Maşının maksimal sürəti 120 km/saatdır.

Rouen Atkinsonun Mercedes SLS, Honda NSX, Jaguar Mk7, Aston Martin DB2 və əntiq Ford Falcon avtomobilləri var.