Motosikilet taksi ilə toqquşdu: bayker maşının üstünə düşdü - VİDEO

Toqquşduğu taksinin üstünə düşdü, xəsarət almadan qurtuldu. Avtosfer.az xəbər verir ki, maraqlı hadisə Rusiyanın mərkəzi küçələrindən birində baş verib. Belə ki, yolun sol istiqamətində hərəkət edən motosikletin sürücüsü sağ tərəfdən yolu dönən avtomobilə çırpılaraq taksinin üzərinə düşüb.

Diqqətsiz şəkildə idarəetməni itirən bayker maşının üzərindən aşağı enərək başındakı papağı düzəldib, daha sonra taksi sürücüsünə hər şeyin qaydasında olduğunu qeyd edib. Nəticədə maşının ön qismi sıradan çıxıb, motosiklet isə tamamilə yararsız vəziyyətə düşüb.

Araşdırma zamanı motosikletin sahibi avtomobilin qarşısına qəfil çıxdığını və anlıq idarəetməni itirməklə ona dəydiyini bildirib. Eyni ifadənin oxşarını taksi sürücüsü də vurğulayıb.

Nərmin Əkbər