“Nissan” Yaponiyadakı zavodlarını bağlayacaq

“Nissan” şirkəti ölkə daxilində və xaricdəki bəzi zavodlarını bağlamaq qərarına gəlib.
Avtosfer.az xəbər verir ki, “Reuters” agentliyinin məlumatına görə, “Nissan” Yaponiyadakı iki müəssisədə istehsalı dayandırmağı planlaşdırır. Bağlanacaq müəssisələrdən biri 1961-ci ildən fəaliyyət göstərən və ildə təxminən 240 min avtomobil istehsal etmək gücündə olan “Oppama” zavodudur. 2024-cü ilin sonunda bu müəssisədə təxminən 3900 nəfər işləyirdi. İkinci namizəd isə “Senan” zavodudur. İldə 150 min kommersiya avtomobili istehsal edən müəssisənin işçilərinin sayı təxminən 1200 nəfərdir. Hər iki zavodun bağlanacağı təqdirdə “Nissan”ın Yaponiyada cəmi üç montaj zavodu qalacaq.
Avtomobil istehsalçısının optimallaşdırma siyasəti bir sıra xarici müəssisələrə də təsir edəcək. Belə ki, Cənubi Afrika, Hindistan, Argentina və Meksikadakı müəssisələr də bağlananlar sırasındadır. Maddi sıxıntıda olan “Nissan” bu yolla cari xərclərini azaltmağa çalışır.
Bir müddət öncə şirkətin yeni baş direktoru İvan Espinosa böhran əleyhinə strategiyanın bir hissəsi olaraq 2027-ci ilədək dünya üzrə yeddi zavodun bağlanacağını elan edib. Bu, ümumilikdə 20 min iş yerinə – “Nissan”ın ümumi işçi qüvvəsinin təxminən 15 faizinə təsir edəcək.
"Honda"nın bir milyondan çox avtomobili yoxlanılacaq
Diplomatların avtomobilləri və əmlakları satışa çıxarılır – SƏBƏB
ABŞ-nin Bakıdakı səfirliyi əşyaları və avtomobilləri ucuz qiymətə satışa çıxardı - FOTOLAR
Dünyanın ən məşhur hiperkarlarından birinin kiçik versiyası hazırlandı - FOTO
"Tesla"nın əməkdaşları müştəriləri izləyiblərmi?
“Toyota” yarım əsrlik modelin dizaynını dəyişmədi
Sürücülər bunu bilmir: 20 manat əlavə ödə, 10 min al
Məşhur bloqer oğurlanan superkarını internetdə gördü - Küçədə "drift" edərmiş
8 min manata “Hyundai”, 14 min manata “Prado”...
Avtomobil saxlamaq bahalaşır – Sürücülərin xərcləri artır
Azərbaycana gətirilən bahalı avtomobillərin sayı artdı - Rəqəmlər












