Onları daha sərt cərimə edəcəklər – Qanun dəyişir

Nəqliyyat vasitəsinə sahiblik hüququ olan şəxs tərəfindən onu idarə etmək üçün idarə etmək hüququ olmayan şəxsə verilməsinə görə yeni cəzaların tətbiq edilməsi təklif edilir. Avtosfer.az trend-ə istinadən xəbər verir ki, barədə məsələ parlamentin oktyabrın 20-də keçiriləcək iclasının gündəliyinə daxil edilən İnzibati Xətalar Məcəlləsinə təklif edilən dəyişikliklərdə öz əksini tapıb. Məcəllənin 152-3-cü maddəsinə təklif edilən əlavə görə, ümumi istifadədə olan nəqliyyat vasitəsinin sərnişin daşınması üçün belə nəqliyyat vasitəsini idarə etmək hüququ olmayan şəxsə verilməsinə görə fiziki şəxslər 200 manat məbləğində, vəzifəli şəxslər 500 manat miməbləğində, hüquqi şəxslər 3 min manat məbləğində cərimə edilir.

Digər əlavəyə görə isə nəzərdə tutulmuş bu xətanın il ərzində inzibati tənbeh almış şəxs tərəfindən təkrar törədilməsinə görə 15 gündən bir ayadək müddətə inzibati həbs tətbiq olunur, hüquqi şəxslər 5 min manat miqdarında cərimə edilir.

Bundan əlavə, yuxarıda qeyd olunan xətanın törədilməsi və yol hərəkəti qaydalarının pozulması nəticəsində zərər çəkən şəxsə fiziki və ya maddi zərər vurulmasına görə fiziki şəxslər 400 manat məbləğində, vəzifəli şəxslər 800 manat məbləğində cərimə edilir, yaxud işin hallarına görə xətanı törədənin şəxsiyyəti nəzərə alınmaqla 15 gündən 1 ayadək müddətə inzibati həbs tətbiq olunur, hüquqi şəxslər 6 min manat məbləğində cərimə edilir.