Orta əsrlərə aid yaylım atəş sistemi - FOTO
Yaylım atəş sistemləri (YARS) dedikdə ağla ilk gələn sovetin “Katyuşa”sı (BM-21) və sonm aylarda ABŞ-ın Ukraynaya verdiyi “Himars”lar olur. Lakin, çoxlarının düşündüyündən fərqli olaraq, YARS heç də 20-ci əsrin icadı deyil.
Avtosfer.az-ın xəbərinə görə, YARS-ın ilk versiyasını Yaponiya-Koreya müharibəsi zamanı (1592-1598) koreyalılar istifadə edib. Xvaça adı verilən bu sistem “od arabası” mənasını verirdi.
1377-ci ildə artıq koreyalı ixtiraçı Çoy mu-Sun nitrat və digər üzvi maddələri qarışdıraraq barıtı icad etmişdi. Barıtdan quldurlara qarşı dəmir ucluqlu ox atmaq üçün istifadə edilir və effekt verir. Bundan sonra isə Çoson sülaləsi vaxtı Yaponiya-Koreya müharibəsində yüzədək ox arabaya yerləşdirilir. Oxlar əllə atılmır, barıtın alovlanmasının təsiri ilə hərəkətə gəlirdi. Metal ox ucluqlarına tezalışan maye sürtüb atdıqda isə böyük alov əmələ gəlirdi.
Xvaçadan atılan oxların (raketin ilkin versiyası) təsir dairəsi 450 metr idi ki, bu da çox yüksək göstərici hesab edilir.
Vüqar