«Porsche» sürəndə qırmızı işıqda dayanmaq olmur? - 90-UV-200- VİDEO

Bahalı avtomobil sür, lap kosmosa çıx, düşüncə tərzin ucuzdursa, at getsin. Bakıda yol hərəkəti qaydalarını pozan daha bir sürücünün hərəkətləri videokameranın yaddaşına düşüb. Avtosfer.az-ın məlumatına görə, mayın 5-də, gecə saat 01: 23 radələrində Səməd Vurğun-Bakıxanov küçəsinin kəsişməsi ilə hərəkət edən «Porsche» markalı, 90-UV-200 dövlət nömrə nişanlı avtomobilin sürücüsü svetoforun qırmızı işığında hərəkəti davam etdirib. Bakıxanov küçəsinə dönən sürücü sanki belə də olmalı imiş kimi hərəkət edərək digər nəqliyyat vasitələrinə qəza şəraiti yaradıb.

Bu videonu təqdim etməkdə məqsəd odur ki, qaydanı pozan sürücü öz əməlinə kənardan baxıb qiymət versin. Ola bilsin ki, nəsə fövqəladə vəziyyət yaranıb və bu zaman qayda pozulursa, bunu başa düşmək olar. Amma kimsə kefindən qaydanı pozursa, bunun adını hər kəs yaxşı bilir.

Emin