Qışda avtomobilinizi bu hallarda yuyun - XƏBƏRDARLIQ

Havalar get-gedə soyumağa davam edir və bir müddət sonra qar yağma ehtimalı var.

Bəs qar yağanda və yollar buzlu olduqda avtomobillər hansı hansı vaxtlarda yuyulmalıdır?

Avtosfer.az-ın məlumatına görə, avtomobil ustası Sahil Ağabəyli Redaktor.az-a bildirdi ki, yol buz olanda təkərin arxasından çırpıntılar çıxır, buz qırıqları, qar yığıntısı və ya su sıçrayışı təkərlərin arxa tərəfində palçıqlığa yığılır:

"Buz təbəqəsi yığılanda avtomobil bir balaca nahamar yolda ora dəyərsə, avtomobilə zərər gətirə bilər. Həmin hissə buz təbəqəsi avtomobilin qanadlarına zərər verə bilər. Mütləqdir ki, sürücü həmin anda saxlayıb avtoyuyuculardan birində təkərlərin arxasında yerləşən palçıqlığı, buz təbəqəsini şırnaqlı su ilə yuyub təmizləməlidir. Heç bir halda alətlə vurub onu qoparmaq olmaz, çünki boyaya zərər vura bilər".

Müsahibimiz sonda qeyd etdi ki, Azərbaycanda qış aylarında buzdan və qardan sonra avtomobilləri ən azından qaldırıcıya qaldırıb alt nahiyəni köpüklü şampunla, yəni duzqovucularla tamamilə yumaq lazımdır.