Qızartma yağından təkər istehsal ediləcək - FOTO

Almaniyanın “Continental” şirkəti qızartma yağından təkər istehsalına başlayıb. Məqsəd təkrar emala yararlı şinlərin istehsalıdır. 

Avtosfer.az xəbər verir ki, avtomobil şinlərinin istehsalında həm təbii, həm də süni kauçuk istehsal edilir. Məqsəd dözümlü və yaxşı tormoz qabiliyyətli şinlərin hazırlanmasıdır. 

Restoranlarda artıq qalan qızartma yağı da süni kauçuk istehsalında tətbiq edilir. Bu yolla hazırlanan təkərlər ətraf mühitə də az zərər vurur. Şirkətin planında 2035-ci ilədək 100 faiz təkrar emalolunabilən şinlər hazırlamaqdır. Hazırda göstərici 26 faizdir. 

Qeyd edək ki, son illərdə Avropada qızartma yağlarından sintetik yanacaq (biodizel) istehsalında da geniş istifadə edilir.

Vüqar