Qara dənizdə yük gəmisi batdı: 12 türkiyəli ekipaj itkin düşdü

Rumıniyadan Misirə gedən, Somali bayrağı altında üzən "BETUL 8" yük gəmisində partlayış baş verib və nəticədə gəmi Bolqarıstan sahillərində batıb. Həmçinin gəminin 12 türkiyəli ekipajı itkin düşüb. Partlayışın səbəbi araşdırılır.
Bu barədə Avtosfer.az "Haber Global"a istinadən məlumat verir.
Bolqarıstan Nəqliyyat Nazirliyinin saytında yer alan məlumata görə, "BETUL 8" yük gəmisinin göndərdiyi qəza siqnalı Varna Dəniz Axtarış və Xilasetmə Koordinasiya Mərkəzinə çatdıqdan sonra layner batıb. Bolqarıstan mediası 1988-ci ildə inşa edilən gəminin partlayışdan sonra batdığını iddia edir.
Partlayışın dəniz minası və ya PUA (pilotsuz uçuş aparatı - dron) hücumu nəticəsində baş verdiyini müəyyənləşdirilir.
***
"BETUL 8" yük gəmisi Qara dənizin Bolqarıstan sahillərində qəzaya uğrayıb.
Avtosfer.az xəbər verir ki, bu barədə Bolqarıstan Milli Televiziyası ölkənin Nəqliyyat Nazirliyinə istinadən məlumat yayıb.
Somali bayrağı altında üzən "BETUL 8" gəmisi 3 ton səpmə buğda daşıyırdı və Rumıniyadan Misirə hərəkət edirdi. Onun göyərtəsində 12 heyət üzvü olub.
"Varnadakı Dəniz Xilasetmə Koordinasiya Mərkəzinə səhər saat 9:15-də fəlakət siqnalı daxil olub. Ekipaj bildirib ki, gəmi Bolqarıstanın müstəsna iqtisadi zonasında yerləşən Kaliakra burnundan təxminən 40 dəniz mili cənub-şərqdədir", - məlumatda bildirilib.
Nəqliyyat Nazirliyinin məlumatına görə, hadisə yerinə Qara dənizdəki Dəniz Minatəmizləmə və Kəşfiyyat Qrupunun dörd gəmisi – iki Bolqarıstan, bir Rumıniya və bir Türkiyə gəmisi göndərilib. onların fəaliyyəti isə Dəniz Administrasiyası İcraiyyə Agentliyinin Fövqəladə Hallar və Xilasetmə İşləri üzrə Baş İdarəsi tərəfindən əlaqələndirilir.
Əməliyyata həmçinin iki "Cougar" helikopteri və bir "Su-25" təyyarəsi vasitəsilə ərazidə müşahidə və kəşfiyyat işləri aparan hərbi hava qüvvələri də qoşulub.
Bolqarıstan Milli Televiziyasının təsdiqlənməmiş məlumatına görə, gəmi artıq batıb.
Gəmi qəzasının səbəbləri, eləcə də batmanın dron zərbəsinin nəticəsi olub-olmaması hələ ki məlum deyil.
“BMW” “Qazel”ə çırpıldı, hər iki sürücü yaralandı - VİDEO
Vətən müharibəsi iştirakçısı faciəvi şəkildə dünyasını dəyişdi - FOTO
Qəbir ziyarətinə gedənlər qəzaya düşdülər - VİDEO - YENİLƏNİB
Şamaxıda yük maşını aşdı: 9 ton meyvə ətrafa dağıldı - VİDEO
Füzulidə baş verən qəzada ölən məktəblilər dəfn edildi - FOTO
Biləcəri yolunda qəza: Avtomobillərdən biri ağaclara çırpılıb - VİDEO
Füzulidə iki maşın toqquşdu - 3 ölü - FOTO - YENİLƏNİB
Ordubaddakı qəzada həlak olan qazinin FOTOsu
Dəhşətli qəzada həlak olanların kimliyi bilindi: ADLAR
Azərbaycanda deputat qəzaya düşdü: Ölən var
“Range Rover” və “Volkswagen Passat” toqquşdu - VİDEO












