Banner

Xocasən yolundakı çuxurlar ya ziyan vurur, ya da qəza riski yaradır - VİDEO

Hadisə 16 Noyabr 2026 13:36
Xocasən yolundakı çuxurlar ya ziyan vurur, ya da qəza riski yaradır   - VİDEO
WhatsApp kanalımıza abunə olun

Paytaxtın Binəqədi rayonu, Xocasən qəsəbəsində, Xocasən gölünün yaxınlığında yolun asfalt örtüyü aşınıb və çuxurlar yaranıb.

Bu barədə izləyicilərdən biri Avtosfer.az-ın “Instagram” səhifəsinə məlumat verib.

Kadrlardan görünür ki, yolun müəyyən hissəsi normal vəziyyətdə olsa da, bir qədər irəlidə ard-arda çuxurlar yaranıb. Nəticədə həmin ərazidən saatda 80 km/saat sürətlə hərəkət edən sürücülər qəfil çətinliklə üzləşirlər. Çuxurları son anda görənlər qəfil əyləcləməyə məcbur qalır ki, bu da arxadan gələn avtomobillərlə toqquşma riskini artırır.

Bəzi sürücülər arxadan gələnləri xəbərdar etmək üçün qəza işıqlarını yandırır, digərləri isə çuxurlara düşərək avtomobillərinə maddi ziyan vururlar. Şikayətçinin sözlərinə görə, çuxurlardan yayınmağa çalışan sürücülərin qoşa bütöv xətti tapdalayaraq əks hərəkət zolağına çıxdığı hallar da var.

Qeyd edək ki, problemlə bağlı aidiyyəti qurumlara müraciət edilsə də, yolda təmir işləri aparılmayıb. Beləliklə, sürücülər üçün qəza riski yaradan problem hələ də həllini gözləyir.

Nərmin

bax.tvhttps://bax.tv/embed/228890.html

 

 

Oxunub : 200
ŞƏRH YAZ
Ad

E-mail

Şərh