Radara düşməmək üçün görün nə etdilər - FOTO

Bakıda radara düşməmək üçün avtomobilin dövlət nömrə nişanına «əl gəzdirən» sürücülər peyda olub. Onlardan birinin avtomobilinin fotosunu oxucular Avtosfer.az-a göndərib. Fotodan da göründüyü kimi, «Mercedes» markalı avtomobilin nömrəsinə bilərəkdən müdaxilə olunub. Bəzi nömrələrdə soyulma olur və bunu kənardan baxanda da görmək mümkündür. Lakin məhz bu avtomobilin nömrəsinə bilərəkdən müdaxilə olunduğu aydın görünür. Sürücü radara düşməmək üçün avtomobilin dövlət qeydiyyat nişanında həriflərdən və axırıncı rəqəmlərdən birinin üzərini qara boya ilə bir qədər görünməz hala salıb. Fotodan da nömrəni dəqiq görmək mümkün deyil. Ehtimal etmək olar ki, bu avtomobilin nömrə nişanı 90 DN 654-dür. Lakin axırıncı rəqəmi elə qaralayıb ki, tam dəqiq görünmür. Çox güman ki, Dövlət Yol Polisi İdarəsi bu maşını və nömrəni görüb müvafiq tədbir görəcək.

Elmin