Rusiyada avtomobil istehsalı ÇÖKDÜ

Tarixin ən ağır sanksiyalarının Rusiyada tətbiq edildiyi 2022-ci ildə avtomobil istehsalı 60% azalıb.

"Unikal" xəbər verir ki, sənaye və ticarət nazirinin müavini Albert Kərimov bildirib ki, Rusiyada cəmi 620 min avtomobil istehsal edilib. Bu rəqəm əvvəlki illə müqayisədə 60 faiz azdır.

İstehsal əsasən minik avtomobillərinin payına düşüb. Minik avtomobillərinin istehsalı əvvəlki illə müqayisədə 66 faiz azalıb.

Yük maşını istehsalı 18 faiz azaldığı halda, avtobus istehsalı cəmi 1 faiz azalıb.

Avtomobil istehsalının azalması qərb istehsalçılarının Rusiya bazarından geri çəkilməsi və Ukraynada münaqişənin başlanmasından sonra avtomobil hissələrinin tədarükü ilə bağlı problemlər ilə bağlı olub.

2022-ci ildə yeni avtomobil bazarı istehsalla paralel olaraq 58,8 faiz azalıb və ölkədə 687,4 min avtomobil satılıb.

Avropa Müəssisələri Assosiasiyası (AEB) bildirir ki, Rusiya avtomobil bazarına ən çox təsir edən əsas amillər sanksiyaların təzyiqi, təchizat zəncirinin pozulmasıdır. Paralel idxal isə hələ avtomobil bazarı üçün arzu olunan səviyyəyə çatmayıb.

Bu arada Qərb şirkətlərinin yerini Çin istehsalçıları doldurmağa başlayıb. 2022-ci ildə ölkədəki Çin avtosalonlarının sayı mini keçib ki, bu da ölkədəki bütün ixtisaslaşdırılmış mağazaların üçdə biri deməkdir.

Bununla əlaqədar, Rusiyada ən böyük Çin avtomobil markalarından ibarət Çin Avtomobil İstehsalçıları Assosiasiyası yaradılıb. Assosiasiya Rusiya istehlakçıları üçün yeni avtomobil markalarının sistemli və effektiv təşviqi ilə məşğul olacaq.