Sahibi təzə “QAZ-24-ü” 40 il “zaman kapsulu”nda gizlətdi - VİDEO

Avtomobillər üzrə süjetlər hazırlayan bloqer Roma Urraco Moldovada 38 il qarajda “yatan” QAZ-24 (Volqa) barədə maraqlı kadrlar paylaşıb.

“Zaman kapsulu”nda gizlədilən avtomobilin sahibi 1983-cü ildən bəri eyni adam olub.

QAZ-24-ün odometri sahibinin maşını çox da “əziyyətə” salmağı sevmədiyini göstərir – belə ki, avtomobil cəmi 212 km məsafə qət edib.

Bloqerin yayımladığı kadrlardan görünür ki, avtomobil salonunda hər şey zavoddan çıxdığı kimidir, hətta yük yerində müəssisənin saralmış talonu belə qalıb.

“Volqa”nın yeganə olaraq akkumlyator dəyişdirilib.

Sahibinin sözlərini görə, maşını satmağı düşünmür, ailə irsi kimi oğluna vermək istəyir.