Şəkidə böyük moto yürüş - FOTOLAR

Şəkidə keçirilən Caucasus moto festivalın proqramına uyğun olaraq bu gün moto yürüş keçirildi. Dünyanın bir neçə ölkəsindən gələn onlarla bayker Azərbaycanı da təmsil edən baykerlər yürüşdə iştirak ediblər. Şəki şəhərində baş tutan yürüşü izləmək üçün yüzlərlə sakin küçələrə axışıb. Onlar motosiklet sürücülərini alqışlarla müşayiət ediblər.

Moto yürüş zamanı "Baku HOG Azerbaijan"-ın direktoru Vahid Mustafayev çıxış edib. V.Mustafayev şəhərin yollarının səliqə-sahmanına, intizamına görə Dövlət Yol Polisi və Şəki şəhər İcra hakimiyyətinə təşəkkür edib.

"Allah onlardan razı olsun. Ən əsas təşəkkür isə Şəki əhalisinə düşür", - deyə Vahid Mustafayev bildirib.

Qeyd edək ki, baykerlər yola çıxmazdan Vahid Mustafayev bütün baykerləri təlimatlandırıb, yol qaydalarını və yürüş planını başa salıb.

anspress