Soyuq havalarda avtomobil necə işə salınır?

Soyuq havalarda avtomobili düzgün işə salmaq mühərrikin ömrü üçün olduqca vacibdir. Avtosfer.az Ölkə.az-a istinadən xəbər verir ki, avtomobili ilk dəfə işə salarkən edilən kiçik səhvlər zamanla yanacaq sərfiyyatının artmasına, performansın azalmasına və lazımsız xərclərə səbəb ola bilər.

Soyuq havalarda avtomobil necə işə salınır?

- Əvvəlcə kontakı çevirməzdən əvvəl bir neçə saniyə gözləyin. Elektron sistemlərin özünü hazırlamasına imkan verin.

- Avtomobili işə salarkən qaza basmayın. Mühərrik soyuq olanda əlavə yüklənməməlidir.

- Yağın mühərrik daxilində düzgün şəkildə dövr etməsi üçün, mühərrik işə düşdükdən sonra 30–60 saniyə boş rejimdə gözləyin.

- İlk bir neçə kilometr sakit sürün. Yüksək dövrə, soyuq mühərrik üçün riskdir.

Edilməməli olanlar:

Qaz verərək işə salmaq;

Dərhal yüksək dövrəyə çıxmaq;

Soyuq mühərrikə yük salmaq.

Unutmayın ki, vaxtında texniki xidmət böyük nasazlıqların qarşısını alır.