Spidometri bloklayan qurğu İnternetdə satışda - FOTO 

Avropa ölkələrinin əksəriyyətində avtomobilin kilometrajını geri çəkmək cinayət hesab edilir. Bu məsələ texniki baxış, alqı-satqı və digər əməliyyatlar zamanı ciddi nəzərə alınır.  Avtosfer.az xəbər verir ki, indi İnternetdə spidometri bloklayan qurğu satışa çıxarılıb. Məhsul ingilis dili ilə yanaşı, Avropanın digər dillərində də geniş reklam edilir.
Təlimatda göstərilir ki, elektronik qurğu avtomobilin diaqnostika üçün nəzərdə tutulmuş ştekerinə qoşulur. Bundan sonra xüsusi proqram təminatı spidometri bloklayır. Günlərlə hərəkətdə olsa belə, avtomobilin kilometrajı olduğu yerdə qalır. Onu quraşdırmaq üçün heç bir ustanın müdaxiləsinə ehtiyac yoxdur. 
Nəzərə alaq ki, kilometrajın geri çəkilməsi məsələsi bizdə də çoxlarını maraqlandırır. Bu səbəbdən qurğuya Azərbaycanda da maraq yaranacağı istisna deyil.

Vüqar