Su ilə işləyən maşın satışa çıxarıldı – FOTOLAR

Yaponlar dünyada ilk dəfə olaraq hidrogen mühərriki ilə çalışan avtomobili satışa çıxarıblar. Avtosfer.az Rusiya mətbuatına istinadən məlumatına görə, "Toyota Mirai" mühərriki ilə çatışan avtomobilə tələbat böyük olduğu üçün artıq ölkə daxilindəki satış planı ödənilib. Bu səbəbdən də Toyota şirkəti hidrogen mühərriki ilə çalışan avtomobil istehsalına 162 milyon dollar sərmayə qoyub. İl ərzində 2.1 min ədəd avtomobil istehsalı planlaşdırılır. Avtomobil Yaponiya bazarından əlavə Avropa və Amerikada da satılacaq. Qeyd edək ki, hazırda Yaponiyada hidrogen mühərrikli avtomobillər üçün 30 ədəd yanacaqdoldurma məntəqəsi quraşdırılıb. Toyota Mirai-nin Yaponiyada qiyməti 60.7 min dollar təşkil edir. Ancaq belə avtomobili almaq istəyənlərə dövlət 17 min dollar subsidiya verir. Avtomobilin yanacaq çəninin tam doldurulmasından sonra 650 km. yol qət etmək olur. Çənin doldurulması üçün isə 3 dəqiqə kifayət edir.