Sürət həddini 10 km aşan 38 min sürücü cərimələndi - VİDEO

Sürət həddini 10 km/saat aşmağa görə cərimələrin tətbiq olunmasına başlanılıb. Avtosfer.az bir daha xəbər verir ki, indiyədək qanunvericilikdə nəzərdə tutulan sürət həddini 10-20 km aşmağa görə cərimə tətbiq olunmurdu. Yəni, bu qayda pozuntusu üçün radara düşənə rast gəlinmirdi. Amma son vaxtlar bu cür sürücülərin sayı artıb.

Baş Dövlət Yol Polis İdarəsinin ictimaiyyətlə əlaqələr şöbəsinin rəisi Kamran Əliyev bildirdi ki, artıq yollarda müəyyən edilmiş sürət həddini 10 km-dən artıq aşan sürücüləri də radar çəkir və onların ünvanına müvafiq məktub göndərilir. Bununla bağlı sürücülərə SMS də göndərilir. Əvvəllər SMS sistemi işləmədiyindən bu sistem tətəbiq olunmurdu. Artıq sistemin tətbiqinə tam olaraq başlanılıb.

Odur ki, sürücülər diqqətli olsalar daha yaxşı olar. Əks halda 10 manatlarından keçməli olacaqlar.