Sürücülərə xəbərdarlıq edildi - VİDEO

Daxili İşlər Nazirliyinin Baş Dövlət Yol Polisi İdarəsi sentyabrın 10-dan etibarən “Diqqət uşaqlar aylığına” başlayıb. Bu tədbir sürücü və piyadaların uşaqlara qarşı daha diqqətli olmasına, eləcə də, azaşlıların vurulması ilə nəticələnən yol qəzalarının sayının minimuma endirilməsinə xidmət edir. Aylıq çərçivəsində bir sıra tədbirlər həyata keçiriləcək. “Diqqət uşaqlar aylığı” oktyabrın 10-na qədər davam edəcək.

Bakı Dövlət Yol polisi İdarəsinin (BDYPİ) şöbə rəisi Kamran Əliyev bildirdi ki, aylığın keçirilməsində məqsəd-məktəbyanı ərazilərin müayinə olunması, onlar üçün təhlükəsizlik tədbirlərinin görülməsi, yol nişanlarının yenilənməsi və digər işlərin görülməsi nəzərdə tutulur. 

Kamran Əliyev sürücülərdən xahiş etdi ki, bu müddətdə mümkün qədər məktəbyanı ərazilərdə sürət həddini minumuma endirsinlər.