Təkərlərin üzərindəki rəqəmlər nə deyir? - Bunları bilmək vacibdir

Sürücülər təkər alarkən bir qayda olaraq ölçüyə fikir verirlər. Məsələn, bu avtomobil üçün 175/70R13 tipli təkər standartdır. Digər parametrlər çoxlarını maraqlandırmır. Bəs söhbət hansı göstəricilərdən gedir. 

Avtosfer.az xəbər verir ki, təkərin üçzərində sürət kateqoriyası və istehsal ili də göstərilir. Konkret olaraq:

L hərfi təkər üçün maksimal sürətin 120 km/saat olduğunu göstərir.
M hərfi – 130 km/saat
N hərfi – 140 km/saat
P hərfi – 160 km/saat
Q hərfi – 170 km/saat
R hərfi – 180 km/saat
H hərfi – 200 km/saatdann yuxarı  
V – 240 km/saatdan yuxarı.

Gəldik daha vacib məsələyə - istehsal tarixinə.
Təkərlərin istehsal tarixi 4 rəqəmlə göstərilir. İlk 2 rəqəm həftəni, son 2 rəqəm isə ili göstərir. Məsələn, 2922. Yəni, bu təkər 2022-ci ilin 29-cu həftəsində istehsal olunub. 
Bizim ölkədə ciddi fikir verilməsə də, əksər ölkələrdə texniki baxış zamanı təkərin ilinə fikir verilir. 
Təkər təhlükəsizliyin vacib elementi olduğu üçün hər 500 km-də bir dəfə havası yoxlanmalı, hər 20-30 min kilometrdə bir dəfə balansı ölçülməli və yerləri çarpaz dəyişdirilıməlidir.

Vüqar