Teslanı reklam etmək istədi, 15 000 dollar ziyana düşdü - VİDEO

Böyük şirkətlərdən reklam və şantaj yolu ilə pul qoparmaq istəyənlər hər zaman olub. Azərbaycanda “reket jurnalistika” dediyimiz fenomen də bunun bir hisəsidir. Lakin hər cəhd uğurlu olmur. 
Avtosfer.az-ın xəbərinə görə, Yeni Zelandiyadan olan bloqer “Tesla”nın üstünlüyünü sübut edərək məşhurlaşmaq istəyib. O, öz “Tesla”sını göldən keçirərək həm özünü, həm də maşınının gücünü göstərmək istəyib. Doğrudur, avtomobil dibinə polietilen döşənmiş su maneəsindən (hərbi avtomobillər üçün bu test standart xarakter daşıyır – müəl.) tam qərq olaraq keçsə də, fəsadlar 2 gün sonra üzə çıxıb. Əksər detallara su gec keçidyindən maşın 1 gündən sonra işə düşməyib. 
Bloqer məsələ ilə bağlı “Tesla”ya müraciət etsə də, istədiyi cavabı almayıb.  ABŞ şirkəti bu testə görə avtomobilin zəmanətini ləğv edib. Bloqer avtomobilini bərpa etmək üçün öz cibindən 15 000 dollar xərcləməli olub. Bir sözlə, çox istəyən azdan da olar.

Vüqar