Toy karvanında avtomobilə işgəncə verən avtoxuliqan - VİDEO

Yol hərəkəti qaydalarını kobud şəkildə pozan sürücülərin sayı azalsa da, bu cür hallara hələ də rast gəlirik. Avtosfer.az-a oxucular tərəfindən göndərilən bu videonun dəqiq nə vaxt və harada çəkildiyi məlum olmasa da, görünən odur ki, toy karvanında hoqqabızlıq edən 99-FF-151 dövlət nömrə nişanlı, «Niva» markalı avtomobilin sürücüsü qayda-qanun tanımır. Onun toy karvanında etdiyi hərəkətlər, yaratdığı təhlükəli situasiyaların bir adı var – avtoxuliqanlıq.

Ümumiyyətlə, yaxşı olardı ki, toy sahibləri belə sürücüləri toy karvanına buraxmasın. Toy günü qanqaraçılıq yaranmaması üçün belə sürücüləri toy karvanından qovmaq lazımdır. Çünki belələri toyu lentə alan kameranın qarşısında qəhrəmanlıq edirsə də, məsuliyyətə cəlb olunduqdan sonra televiziyaların kamerası qarşısında boynunu büküb «peşmanam» deyir. 

Elməddin