Vəsiqəsi olmadan maşın sürüb adam öldürdü

Bu gün Bakı Ağır Cinayətlər Məhkəməsində piyadanın ölümünə səbəb olan şəxsin məhkəmə iclası keçirilib. "Qafqazinfo"nun prosesdə iştirak edən əməkdaşının verdiyi xəbərə görə, ötən ilin dekabr ayında piyadanı vuran sürücüyə cəza istənilib. Cinayət Məcəlləsinin 263-cü maddəsi ilə ittiham olunan Asif Həsənov Xalqlar dostluğu metrostansiyası tərəfdə piyada Rasim Məmmədovu vurub. R.Məmmədov aldığı xəsarətdən ölüb. Dövlət ittihamçısı sürücülük vəsiqəsi olmadan maşın sürüb piyadanın ölümünə səbəb olan A.Həsənovun 7 il 6 ay müddətinə azadlıqdan məhrum edilməsini istəyib. Növbəti məhkəmə iclası mayın 20-ə təyin edilib.